اللهم انقذنا من نفسنة الزملاء
وغباء الأصدقاء
ومفاجأة الأعداء
---
اللهم ارحمنا من استبياع الجيل الجديد
وحرائق السكة الحديد
---
واستقصاد كل مدير
وندالة القرايب الصغير منهم والكبير
---
اللهم أغثنا من كل عميل
ومن فواتير موبينيل
---
اللهم ارحمنا من تشريفه عربيات المسئولين
وزحمة الشوارع في كل حين
وسحب الرخص في كل كمين
من الغلبان مش م المتين
---
اللهم اهدى لنا سواقين الميكروباص
ومدير الشركة البصباص
---
اللهم ارحمنا من الشئون القانونية وشئون العاملين
واللي بيقفوا فـ وسط الشارع فجأة وبدون إشارة يمين
---
اللهم قنا شر الكليبات
وشر شلل البنات
ولؤم الستات وغباوة الحموات
والمينيمم تشارج كافيهات
وهيافة الصحف والمجلات
وقطع الحرارة فجأة عن التليفونات وقت الزنقات
والمدارس اللي بتطلب تبرعات بالألافات
ووقوع السيرفر وقفلة السايتات
---
اللهم ارفع مستوى الفريق القومي
لمستوى إنبى والحدود
أو حتى مستوى أسمنت أسيوط
أو ارسل يارب عليه صاعقة
بدل ما يخلونا نموت
---
اللهم سدد أقساطنا
وضلل عنا مآمير الضرايب
---
اللهم ارزق جيل الوسط عقود عمل في ليبيا وقطر
---
اللهم افتح لجيلنا القديم الطريق الفسيح
حتى ننظف انتخابات البلد من لعبة المراجيح
---
اللهم ارحمنا من الاكتئاب مرض العصر والشباب
واحمي يارب سماء مصر من سحابة الهباب
واكفنا شر صاحب الدقن الكداب
وصاحب التصريحات النصاب
---
اللهم ارزق كل بنت بعريس هدية
وكل شاب بوظيفة وشقة وعربية
اللهم أحرق الـ0900
واضرب الحرامية بالحرامية
ونجح أي طالب في أي كلية
حتى ولو كان في التربية الموسيقية
12 comments:
هههههههههههههههههههههههههههههههههههههههههههههههههه
آآآآآآآآآآآآآآآآآآآآآآآآمين ياااااااا رب
أيه الدعاء الجامد ده
هايل قوى
ههههههههههههههههه
حلو أوي
هههه آآمين ..
تسجيل أول حضور لمدونتك .. جميلة ياساهر ..
امييين
كان في دكتور في الكلية أما نكون طالعين رحلة يقول دعاء السفر و يكمل اللهم لا تسقطنا في البروسيسيز يا رب و اجعل دكاترنا طيبين أيام الشفوي يا رب
:)
البروسيسيز مادة الأطقم
امين تاني
توب علينا يا رب
بقى اول مره ى عندك ..زتبهدلنى ضحك كده ..
بس بجد و الله ..هو ده الدعاء اللى لازم ندعيه كلنا
امين يارب ...
ما تفضى نفسك خمسه و تجيلى ...
و انا اللى هادفع اجرة الميكروباص
تحياتى
اللهم ارحمنا من القيل و القال
و طلبات ام العيال
و فاتورة البقال
اخي الفاضل
اولا بشكر علي مرورك الكريم بمدونتي
وايضا علي اضافتها للسايد بار لديك جعلها الله في ميزان حسناتك
ثانيا بالنسبه للايه الكريمه
((لست عليهم بمصيطر))
هي الكتابه الصحيحه للكلمه
راجع المصحف سوره الغاشيه ايه 22
اما عن البوست بتاعك الخطير ده ههههههه فمش اقدر اقول غير
اللهم امين اللهم امين الهم امين
تحياتي لك
والله مدونتك دي جامده جدا
يا جماعة أشكر حضوركم جميعا و تكريمكم لمدونتى المتواضعة .. و على فكرة أنا خريج تربية موسيقية .. ونجح أي طالب في أي كلية
حتى ولو كان في التربية الموسيقية .. هههه
ههههههههههههههههههههههههه
دعوات فى الصميم
امين يارب
مش قادره ابطل ضحك
جامد اوي
[B][URL="http://www.arbforce.com/vb/f8.html"][B]برامج انترنت وكمبيوتر - برامج كاملة[/B][/URL][/B]
Post a Comment